Whaur hae ye been sae braw, lad!
Whaur hae ye been sae brankie, O!
Whaur hae ye been sae braw, lad,
Cam ye by Killiecrankie. O!
Chorus:
An' ye had been whaur I hae been
Ye wad na been sae cantie, O,
An' ye had seen what I had seen,
On the braes o' Killiecrankie, O.
I fought at land, I fought at sea,
At hame I fought my auntie, O;
But I met the devil and Dundee
On the braes o' Killiecrankie, O.
Chorus
The bauld Pitcur fell in a furr,
And Clavers gat a clankie, O,
Or I had fed an Athol gled
On the braes o' Killiecrankie, O.
Chorus
Oh, fie, Mackay! what gait ye lie
In the bush ayont the brankie, O:
Ye'd better kiss'd King Willie's loof,
Than come to Killiecrankie, O.
Final Chorus:
It's nae shame, it's nae shame,
It's nae shame tae shank ye, O:
There's sour slaes on Athol braes,
And deils at Killiecrankie, O.
More Scottish Music Lyrics
Scottish Folk Music
Web Design for small businesses
